crazybutnotcrazy

TAMA!

dapat kahit wala tayong problema o sakit, nagdadasal pa rin tayo.:)

marami kasi sa atin, naaalala lang ang Diyos kapag may problema  sila at kapag may kailangan..

hindi naman required ang pagdadasal..ito ay isang obligasyon..

kailan ka huling nagdasal?

kailan mo huling kinausap ang Diyos?

kahit simpleng, good morning LORD! masaya na sya dun..

kapag naging bahagi ng pang-araw-araw na pamumuhay mo ang pagdadasal, pansinin mo, gagaan ang mga problema mo.:)

ipalaganap natin ang Salita ng Diyos at ang Hiwaga ng PANALANGIN!:)

wiw.. ang daming exciting at first time na pangyayari sa aking pagpunta sa Palawan..

Brooke’s Point, Palawan.. sobrang sayang experience.. iba’t ibang tao ang nakakwentuhan at nakahalubilo ko..

First time kong sumama sa Peregrinatio Pro Cristo.. gumagawa ng mga Apostolic Works.. Mass Assistance, House to House Visitation, inaalam kung ilan ang hindi pa nabibinyagan at hindi pa nakukumpilan at nakaksakal sa Lugar na iyon.. mayroon kaming 7 couple na naipakasal, isang Netibo na napaconvert at napabinyagan sa Katoliko..at 3 napakumpilan.. ang sarap sa pakiramdam ng ganun..nakatulong ka sa ibang tao at nailapit mo sila sa Diyos..;’)

perstaym ko ding maging ninang sa kasal..wahehe.. nahiya naman na akong tumanggi.. sabi ng iba bawal daw kasi dalaga pa ako at bata pa..kesyo hindi raw ako makakapag-asawa at kung anu-anong pamahiin pa wahehe.. hindi kasi ako mapaniwalain sa mga pamahiin..

for me, as long as alam mo ang responsibility mo as Ninang sa kasal..ok lang yan.:)

nagkaroon din ako ng time para magmuni-muni doon.. ang sarap sa pakiramdam..parang bago ako ulit.;)

may nagtanong sa akin, “bakit kailangan nyo pang pumunta doon para magsagawa ng mga ganyan e may mga parokyano naman doon.”

sabi ko, “minsan kasi kapag nasa loob ka ng isang sistema, hindi mo nakikita ang mga mali at ang problema..kailangan mo ng mga taong taga-labas para ipa-realize sayo na may mali..kailangan nyo ng ibang tao para tulungan kayo sa problema ninyo..hindi naman masama ang humingi ng tulong..sabi nga, no man is an island..kailangan nating magtulungan..”

meron din kaming nakasabay na mga madre doon.. mga taga- Daughters of St. Paul sila..or Paulines.. nakausap ko sila..

feeling ko ang Holy Holy nila wahehe..ang taba taba talaga ng puso ko tuwing nakakausap ko ang mga Madre at PAri..

iniimbitahan nila ako.. honestly, never in my entire roller coaster life na pinangarap kong maging Madre..

pero merong isang gabi na napaisip ako.. Para kaya ako sa PAGMAMADRE??

my gulay!gulong gulo ako nun..

nag-pray ako..

mahilig kasi ako sa mga signs.. kaya humingi ako ng sign kay God.. sabi ko, kapag nakakita ako ng shooting star sa gabing yun, nakatadhana akong maging Madre..pag hindi..hindi ako para doon..

edi abang abang ako ng shooting star habang nagdadasal,

“LORD..KAYO NA PONG BAHALA SA AKIN.:)”

11:30pm na nun..antok na ako, wala pa din shooting star..

tseden!kaya nasolve ang gumugulo sa isip ko..wahehe..

ang sarap sa pakiramdam..

nagpray ako ulit, “Salamat Lord!.:)”

kahit naman hindi ako magmadre makakapagserve pa rin ako sa Diyos at sa Kapwa ko..yun ang sigurado akong nakatadhana na sa akin.:)

yahoo!akala ko talaga hindi ako papayagan ng boss ko..

but thank GOD!naging posible ang imposible!

pinayagan akong magLEAVE ng 10 days..

PALAWAN HERE I COME!:)

IKAW BA AY NASA RELASYONG MAY PANG-AABUSO

Nangyayari ang pang-aabusong pisikal at seksuwal nang walang babala. Ngunit, may mga palatandaan ito o “ red flags” na magsisilbing babala na may magaganap na pang-aabuso. Ang sumusunod na halimbawa ay mga pag-uugali ng isang taong mapang –abuso.  Kung ang iyong sagot ay Oo, sa isa o sa mas marami pang mga katanungan dito, maaaring kayo ay nasa relasyong may pang-aabuso , o nanganganib na mapabilang dito.

Ginagawa ba sa iyo ng iyong asawa, partner o boyfriend ang sumusunod :

•  tuksuhin ka nang nakasasakit sa harap ng maraming tao o kahit kung kayong dalawa lamang ?
•   ang tawagin kang “ gago”, “ puta” , “ tanga”, “bobo”, atb.?
• magselos  sa  iyong mga kaibigan,pamilya, o kasama sa trabaho o akusahan kang  may gusto sa iba?
• mapagalitan  dahil sa mga isinusuot  mo o sa ayos ng iyong buhok
•  subaybayan ka sa pamamagitan ng pagtawag sa telepono o pasubaybayan ka  sa iba?
• samahan ka sa mga pupuntahan mo o pasamahan ka sa ibang tao para mabantayan ka?
• sapilitang alamin kung sino ang kausap sa telepono ?
• sisihin ka sa mga problema o sa kanyang hindi magandang pakiramdam o sa pagiging madali niyang  magalit?
•  takutin  ka sa pamamagitan ng pagsuntok sa pader , walang ingat na pagmamaneho at iba pang  nakatatakot  na gawain? 
• Madalas na  pag-inom ng alak o paggamit ng droga o sapilitan kang  painumin o pagamitin ng droga  na kasama niya.
• basahin ang iyong mga sulat, tingnan ang iyong mga mensahe sa  cellphone, o pakialaman ang iyong pitaka o iba pang personal mong gamit?
• hindi pagbigay sa iyo ng pera, ang paglubog sa iyo sa utang at paglihiman  ka tungkol sa pera?
• pigilan kang magkatrabaho o  maging sanhi upang mawalan ka ng trabaho ?
• ang pagbantaang sasaktan ka, ang iyong pamilya, mga kaibigan, at mga alagang hayop?
• pilitin kang makipagtalik nang labag sa loob mo o pilitin kang makipagtalik sa paraang hindi mo gusto?
• manakot na papatayin ka o magpapakamatay siya kapag ikaw ay umalis?
•  magkaibang  pagkilos sa harap ng ibang tao at kapag  kayong dalawa na lamang?
•  maging dahilan upang mawalan ka ng mga kaibigan o na hindi na kayo magkita ng iyong pamilya?

Kung nag-aalala ka na maaaring nagpapakita ang iyong partner  ng senyales ng pang-aabuso, SUMANGGUNI SA KINAUUKULAN.  Kung ikaw ay NASA ISANG RELASYONG MAY PANG AABUSO at nais mo ng tapusin ang inyong relasyon, makatutulong ang pagkausap sa iyong magulang hinggil dito o ipagtapat sa iyong kaibigan o guro sa iyong paaralan o counselor  upang ikaw ay masuportahan/ matulungan  sa pakikipaghiwalay.

Paalalang Pangkaligtasan Para Sa Kababaihan

•  Panatilihin ang pakikipag-usap sa mga kaibigan at tiyaking may panahon kang makisalamuha sa iba maliban sa iyong partner. Ipaalam sa iba ang iyong mga plano at kung saan ka pupunta.
• Maging abala sa mga gawaing kinahihiligan mo. Ipagpatuloy at huwag tumigil sa mga   gawaing kinahihiligan  at nakabubuti ng pakiramdam sa sarili .
•   Magkipagkaibigan.Dagdagan ang iyong mga kakilalang maaring makatulong.
• Huwag mag-atubiling sabihin sa magulang o sa iba pang miyembro ng pamilya kung may problema.
•  Huwag umasa sa pagsundo o paghatid ng partner .

Mga Paalala Kung Nais Tapusin ang Relasyong May Pang-aabuso:

• Sabihin sa iba ang iyong planong pakikipaghiwalay sa iyong partner. Ipaalam sa kanila kung saan ka pupunta.
• Tawagan ang isang  kaibigan o  “counselor”  pagkaraan makipag-usap sa partner para maikuwento  ang pangyayari .
• Magkaroon ng listahan ng mahahalagang numero ng telepono na kinabibilangan ng mga numerong maaaring tawagan sa pangkagipitang kalagayan (emergency), pati na rin ng mga makatutulong na kaibigan na maaari mong tawagan kung ikaw ay may problema. Isama sa listahang ito ang mga numero ng crisis lines.
• Isaalang-alang ang pagkakaroon ng iba pang matatakbuhan sa iyong paaralan o komunidad. Sumali sa isang “support group “ o tawagan ang isang “crisis line.”
• Baguhin ang nakagawian. Ibahin ang  oras ng pagpasok at pag-uwi mula sa paaralan o trabaho.  Kung sumasakay sa bus o anumang pampublikong sasakyan, humanap ng kasama/ kasabay .
• Kung nag-iisa ka sa bahay, tiyaking nakakandado ang mga pinto at sarado ang mga bintana.
• Makipag-doubledate o lumabas na kasama ang isang grupo.
• MAGTIWALA SA  IYONG KUTOB. Kung sa palagay mo ay nasa panganib ka, tumawag ng pulis.  Humingi kaagad ng tulong.

-iSHARE o iREPOST para sa kaalaman ng kababaihan

from Philippine Commission on Women